នៅក្នុងឪកាសបិទកម្មវិធីប្រកួតគេសង្កេតឃើញមានមហាជនចូលរួមទស្សនាយ៉ាងច្រើនកុះករ នៅជុំវិញ​​ ទីលានបាល់ទាត់ជាមួយការលេងស្គរ និងហ៊ោកញ្រ្ជៀវ ។ ចំណែកគូដែលត្រូវបិទកម្មវិធី គឺក្រុម មកពីសាខា សាកលវិទ្យាល័យបៀលប្រាយខេត្តតាកែវ ដែលតំណាងអោយខេត្តតាកែវ ត្រូវប្រកួតជាមួយ និងក្រុមមក ពីខេត្តកំពត ក្រោយពីចប់ការប្រកួតក្រុមកីឡាសាខាសាកលវិទ្យាល័យបៀលប្រាយខេត្ត តាកែវ ឈ្នះខេត្តកំពត ស្ថិតនៅក្នុងលទ្ធផលបច្ចេកទេស ៤-១ ។

ដោយឡែកកីឡាករសាខាសាកលវិទ្យាល័យបៀលប្រាយខេត្តតាកែវ ដោយមានការជួយជ្រុម ជ្រែងនិងជួយ ឧបត្ថមពីសំណាក់ ឯកឧត្តម អ៊ីន វីរជាតិ ប្រធានក្រុមប្រឹក្សាភិបាល នៃសាកល វិទ្យាល័យ បៀលប្រាយ ទាំងការ បំប៉នកីឡាករនិងបញ្ជូនគ្រូបង្ហឹកមកក្លឹបបៀលប្រាយយូណាយធីត ធ្វើអោយ កីឡាករមានសមត្ថភាពនិង បទពិសោធន៏ទទួលបានលទ្ធផលល្អ។ ក្នុងនោះ ក៏មានការជួយឧបត្ថមពីខាង មន្ទីរអប់រំយុវជននិងកីឡាខេត្តតាកែវ និងគណៈគ្រប់គ្រង បុគ្គលិក សាស្រ្តាចារ្យ នៃសាកលវិទ្យាល័យ បៀលប្រាយផងដែរ។

សូមបញ្ជាក់ថាកាលពីថ្ងៃទីដប់ ខែសីហា ឆ្នាំពីរពាន់ដប់មួយ វេលាម៉ោងពីរនិងសាមសិបនាទី នៅទីលានបាល់ទាត់ គរុកោសល្យ ខេត្តតាកែវ មានការរៀបចំបើកពិធីប្រកួតកីឡាមហាជនជ្រើសរើស ជើងឯកភូមិភាគក្របខណ្ឌក២ ប្រចាំឆ្នាំ២០១១ ក្រោមអធិបតីភាព ឯកឧត្តម មាស សារិន អនុរដ្ឋ- លេខាធិការក្រសួងអប់រំ យុវជន និងកីឡា និងជាទីប្រឹក្សាសមេ្តច អគ្គមហាសេនាបតីតេជោ ហ៊ុន សែន និង ឯកឧត្តម អ៊ិត សុខ អភិបាលរងខេត្តតាកែវ ព្រមទាំងមន្រី្តសហព័ន្ធបាល់ទាត់ និង គណប្រតិភូដឹកនាំកីឡាករចូលរួមប្រកួតមកពីខេត្តទាំង៦។ ចំណែក គូដែលត្រូវបើកកម្ម វិធីកាលនោះ គឺក្រុមមកពីសាខាសាកលវិទ្យាល័យបៀលប្រាយ ដែលតំណាងអោយខេត្តតាកែវ ត្រូវប្រកួតជាមួយ និងក្រុមមកពីខេត្តកែប ក្រោយពីចប់ការប្រកួតក្រុមកីឡាសាខាសាកលវិទ្យាល័យ បៀលប្រាយ ខេត្តតាកែវ ឈ្នះខេត្តកែប ស្ថិតនៅក្នុងលទ្ធផលបច្ចេកទេស ៣--១។

ការប្រកួតកីឡាមហាជនជ្រើសរើសជើងឯកភូមិភាគក្របខណ្ឌក២ ប្រចាំឆ្នាំ២០១១ បានប្រព្រឹត្ត រយៈពេល១២ថ្ងៃ ចាប់ពីថ្ងៃទី០៨ដល់១៩ ខែសីហា ឆ្នាំ២០១១ សិ្ថតនៅក្រោមការទទួលខុសត្រូវរបស់ ក្រសួងអប់រំ យុវជន និងកីឡា។