|
|
ការប្រកួតកីឡាបាល់ទាត់ជាលក្ខណៈមិត្តភាព រវាងសាកលវិទ្យាល័យបៀលប្រាយ ស្នាក់ការភ្នំពេញ និងសាខាខេត្តតាកែវ ក្នុងឱកាសចូលរួមអបអរសាទរទិវាជ័យជំនះ លើរបបប្រល័យពូជសាសន៍ ថ្ងៃ៧ មករា
|
|
កាលពីថ្ងៃទីពីរ ខែមករា ឆ្នាំពីរពាន់ដប់ពីរ វេលាម៉ោង បីនិងដប់នាទី នៅទីលានបាល់ទាត់កងទ័ពជើងទឹក រាជធានី ភ្នំពេញ មានការរៀបចំពិធីប្រកួតកីឡាបាល់ទាត់ជា លក្ខណៈ មិត្តភាព ក្រោមអធិបតីភាព លោក អ៊ីន វីរជ័យ សាកលវិទ្យា ធិការរងទទួលបន្ទុក កិច្ចការរដ្ឋបាល និងទំនាក់ទំនងអន្តរជាតិ និង លោក ប្រុក វាសនា សាកលវិទ្យាធិការរងទទួលបន្ទុក ហិរញ្ញវត្ថុនិងទ្រព្យសម្បត្តិ ព្រមទាំងគណៈគ្រប់គ្រង បុគ្គលិកនិង សាស្រ្តាចារ្យដឹកនាំកីឡាករចូលរួមប្រកួតមកពីសាកលវិទ្យាល័យបៀលប្រាយ ស្នាក់ការភ្នំពេញ និង សាខា ខេត្តតាកែវ។
|
|
គោលបំណងរៀបចំការប្រកួតនេះឡើង គឺដើម្បីចូលរួមអបអរសាទរក្នុងឱកាសបុណ្យទិវាជ័យជំនះ លើរបប ប្រល័យពូជសាសន៍ ថ្ងៃ៧ មករា ដែលជាថ្ងៃកំណើតទីពីររបស់យើងទាំងអស់គ្នា។ ក្នុងនោះក៌រួមចំណែក ក្នុងការផ្សព្វផ្សាយដល់ស្រទាប់សាធារណៈជន ជាពិសេសយុវជនអោយចេះស្រឡាញ់វិស័យកីឡា ព្រោះកីឡានាំ មកនូវសុខភាព ប្រាជ្ញាឈ្លាសវៃ ដែលអាចនាំទៅរកភាពជោគជ័យការងារ ជាពិសេសការសិក្សារបស់និស្សិត ហើយស្របទៅនឹងពាក្យស្លោករបស់សាកលវិទ្យាល័យបៀលប្រាយថា " អនាគត់របស់អ្នកកាន់តែភ្លឺស្វាង ដោយបៀលប្រាយ " ។
|
|
ការប្រកួតស្ថិតនៅក្នុងភាពរីករាយនិងមិត្តភាព ដើម្បីដកស្រង់បទពិសោធន៍ បច្ចេកទេស ពីគ្នាទៅវិញ ទៅមក ហើយឆ្លៀតក្នុងឱកាសនោះក៍បានធ្វើការនែនាំគណៈគ្រប់គ្រង និងបុគ្គលិកស្នាក់ការភំ្នពេញ និងសាខា ខេត្តស្គាល់គ្នាផងដែរ។ ជាចុងបញ្ចប់ការប្រកួតលក្ខណៈមិត្តភាពសិ្ថតនៅក្នុងលទ្ធផល ៧ - ២ ដោយជ័យជំនះ ទទួលបានគឺសាកលវិទ្យាល័យបៀលប្រាយស្នាក់ការភ្នំពេញ។
|
| |
|
|
|
|
