ការលើកកម្ពស់កាយល់ដឹងអំពីភាពជាអ្នកដឹកនាំ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិ ដើម្បីសហគមន៍មានសុខភាពល្អ និងមានភាពធននឹងអាកាសធាតុ

កម្មវិធីអប់រំផ្សព្វផ្សាយ ស្តីពី "ការលើកកម្ពស់កាយល់ដឹងអំពីភាពជាអ្នកដឹកនាំ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិ ដើម្បីសហគមន៍មានសុខភាពល្អ និងមានភាពធននឹងអាកាសធាតុ”

នៅថ្ងៃទី១៤ ខែសីហា ឆ្នាំ២០២៤ សាកលវិទ្យាល័យបៀលប្រាយ រាជធានីភ្នំពេញ បានរៀបចំនិងសហការជាមួយកាកបាទក្រហមកម្ពុជា កម្មវិធីអប់រំផ្សព្វផ្សាយកម្មវិធី ស្តីពី «ការលើកកម្ពស់កាយល់ដឹងអំពីភាពជាអ្នកដឹកនាំ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិ ដើម្បីសហគមន៍មានសុខភាពល្អ និងមានភាពធននឹងអាកាសធាតុ» ក្រោមអធិបតីភាពដ៏ខ្ពង់ខ្ពស់ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា និងឯកឧត្តម ឌៀប សីហា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យបៀលប្រាយ ព្រមទាំងមានការអញ្ជើញចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំសាកលវិទ្យាល័យ សាស្ត្រាចារ្យ យុវជនស្ម័គ្រចិត្ត ស.ស.យ.ក កាកបាទក្រហម និងនិស្សិតនៃសាកលវិទ្យាល័យបៀលប្រាយ ចូលរួមសរុបចំនួនប្រមាណ ១២០នាក់។

កម្មវិធីនេះ រៀបចំឡើងក្នុងគោលបំណង អប់រំផ្សព្វផ្សាយដល់ប្អូនៗយុវជនកាកបាទក្រហមកម្ពុជា ស.ស.យ.ក ក៏ដូចជានិស្សិត ឲ្យបានយល់ដឹងអំពីកិច្ចការងារឥស្សរជនឆ្នើមថ្នាក់ជាតិ ចំណេះដឹងបំណិនជីវិត ការថែទាំសុខភាព ជំងឺឆ្លង និងមិនឆ្លង បញ្ហាការប្រែប្រួលអាកាសធាតុ ភាពធន់នឹងអាកាសធាតុ និងការកាត់បន្ថយការប្រើប្រាស់ថង់ផ្លាសស្ទិក។