English
Khmer
Library Services
១. ចក្ខុវិស័យ
ចក្ខុវិស័យរបស់បណ្ណាល័យ សាកលវិទ្យាល័យបៀលប្រាយ គឺដើម្បីគាំទ្រសាកលវិទ្យាល័យ បៀលប្រាយ ក្នុងការអភិវឌ្ឍធនធានមនុស្សប្រកបដោយឧត្តមភាព និងក្លាយជាបណ្ណាល័យមួយ ដែលមានការពេញនិយមពីសំណាក់និស្សិត និងអ្នកស្រាវជ្រាវទាំងអស់ពីគ្រប់មជ្ឈដ្ឋាន។
២. បេសកកម្ម
បណ្ណាល័យសាកលវិទ្យាល័យបៀលប្រាយ មានបេសកម្មផ្តល់ឲ្យអ្នកចូលសិក្សាស្រាវជ្រាវនូវព័ត៌មាន និងនិតិវិធីស្វែងរកព័ត៌មាន ដើម្បីជួយឲ្យពួកគេមានសមត្ថភាពខ្ពស់ក្នុងការធ្វើកិច្ចការ និងចេះស្រាវជ្រាវរកឯកសារផ្សេងៗ ក្នុងគោលបំណងអភិវឌ្ឍចំណេះដឹងបន្ថែមរបស់ពួកគេ។ ដើម្បីឆ្លើយតបទៅនឹងបេសកម្មនេះ បណ្ណាល័យបានខិតខំស្វែងរកឯកសារ និងបំពាក់សម្ភារសិក្សាជាច្រើនដើម្បីបំពេញតាមតម្រូវការរបស់អ្នកចូលសិក្សាស្រាវជ្រាវគ្រប់ប្រភេទ។ បុគ្គលិកបណ្ណាល័យសាកលវិទ្យាល័យបៀលប្រាយ ក៏មានតួនាទីផ្តល់នូវសេវាពិគ្រោះយោបល់ ការណែនាំអោយចេះប្រើប្រាស់សម្ភារសិក្សាដែលបំពាក់ក្នុងបណ្ណាល័យ និងការចូលរួមសកម្មភាពផ្សេងៗដើម្បីធ្វើឲ្យបេសកម្មរបស់សាកលវិទ្យាល័យល័យកាន់តែប្រសើរឡើងក្នុងតំបន់ និងអន្តរជាតិ។
៣. ប្រវត្តិបណ្ណាល័យ
បណ្ណាល័យ បានបើកដំណើរការឡើងដំបូងនៅឆ្នាំ ២០០0 ដែលជាបណ្ណាល័យរបស់ មហាវិទ្យាល័យគ្រប់គ្រងនិងនីតិសាស្ត្រ មានទីតាំងនៅ អគារលេខ៤៩ស ផ្លូវ២០៥ កែង៣៥៦ សង្កាត់ទួលស្វាយព្រៃ២ ខាងក្រោយគ្លីនិកវិសាលសុខ។ នៅពាក់កណ្តាលឆ្នាំ ២០០២ មហាវិទ្យាល័យគ្រប់គ្រងនិងនីតិសាស្ត្រ បានប្រែក្លាយទៅជា សាកលវិទ្យាល័យបៀលប្រាយ និងបានពង្រីកសាខាបន្ថែមចំនួន០១ទៀត ដែលមានទីតាំងនៅអគារភ្នំពេញសិនធ័រ មហាវិថីសម្តេចព្រះសុធារស សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។ ទន្ទឹមនឹងនោះ សាកលវិទ្យាល័យបៀលប្រាយក៏បានបង្កើតបណ្ណាល័យបន្ថែមចំនួន ០១ ទៀត ដោយបានបញ្ចូលបណ្ណាល័យពីសាខាទួលស្វាយព្រៃចូលគ្នា បង្កើតបានជាបណ្ណាល័យស្នាក់ការកណ្តាលរួមមួយដែលមានទីតាំងនៅអគារC និងអគារD ជាន់ទី១ នៃសាកលវិទ្យាល័យបៀលប្រាយស្នាក់ការកណ្តាល។
៤. បណ្ណាល័យជាអ្វី?
បណ្ណាល័យសាកលវិទ្យាល័យបៀលប្រាយ ជាកន្លែងតម្កល់ សៀវភៅ និង ឯកសារជាច្រើន ដែលអនុញ្ញាតឲ្យនិស្សិត និងអ្នកសិក្សាគ្រប់មជ្ឈដ្ឋានអាចចូលមក សិក្សាស្រាវជ្រាវ នៅក្នុងបណ្ណាល័យនេះ ដូចនៅបណ្ណាល័យ សាធារណៈ ដែរ។
៥. តើអ្នកចូលបណ្ណាល័យដើម្បីអ្វី?
អ្នកអាចចូល បណ្ណាល័យដើម្បីអានសៀវភៅ ស្វែងរក ឯកសារ ស្រាវជ្រាវ ពិភាក្សាអំពីលំហាត់ជាក្រុម ខ្ចីសៀវភៅពីបណ្ណាល័យ ប្រើប្រាស់សម្ភារសិក្សា និងសេវកម្មបណ្ណាល័យផ្សេងៗទៀត។
៦. ហេតុអ្វីត្រូវចូលមកសិក្សានៅបណ្ណាល័យសាកលវិទ្យាល័យបៀលប្រាយ?
មានបន្ទប់ធំទូលាយ ដែលបំពាក់ដោយម៉ាស៊ីនត្រជាក់។
មានសៀវភៅ និងអត្ថបទស្រាវជ្រាវផ្សេងៗ សរុបចំនួនជាង ២០០០០ ក្បាល។
មានបន្ទប់សោតទស្សន៍សម្រាប់ស្តាប់ភាសាអង់គ្លេស និងទស្សនា។
មានកុំព្យូទ័រសម្រាប់ឲ្យនិស្សិតប្រើប្រាស់ ដោយភ្ជាប់ អ៊ីនធឺណែតជាស្រេច។
មាន WiFi សម្រាប់ឲ្យនិស្សិតប្រើអ៊ីនធឺណែតលើកុំព្យូទ័រ ផ្ទាល់ខ្លួន ឬ លើទូរស័ព្ទដៃបាន។
មានកម្មវិធីសម្រាប់ស្វែងរកសៀវភៅតាមកុំព្យូទ័រ កាតាឡុក។
មានតុសម្រាប់ឲ្យនិស្សិតអានសៀវភៅច្រើន និងមានសា ឡុងសម្រាប់និស្សិតសម្រាក។
មានម៉ាស៊ីនស្កេន ថតចម្លង និងព្រីនឯកសារជូននិស្សិត។
៧. តើបណ្ណាល័យមានទីតាំងនៅឯណា និងអាចចូលបាននៅពេលណា?
បណ្ណាល័យមានទីតាំងស្ថិតនៅជាន់ទី១ អគារ C & D នៃសាកល វិទ្យាល័យបៀលប្រាយ និងបើកដំណើរការទៅតាមពេលវេលាដូចខាងក្រោមៈ
|
ម៉ោងធ្វើការនៅបណ្ណាល័យ |
|
|
ថ្ងៃចន្ទ - ថ្ងៃសុក្រ |
០៧:០០AM – ១១:៣០AM ០១:៣០PM – ០៨:០០PM |
|
ថ្ងៃសៅរ៍ |
០៧:០០AM – ០៨:០០PM |
|
ថ្ងៃអាទិត្យ |
០៧:០០AM – ០៥:០០PM |
៨. តើធ្វើដូចម្តេចទើបអាចចូលបណ្ណាល័យបាន?
និស្សិតដែលមកបណ្ណាល័យលើកដំបូង អាចចូល បណ្ណាល័យបានដោយគ្មានកាតតែមួយដងប៉ុណ្ណោះ ។
និស្សិតដែលសិក្សានៅសាកលវិទ្យាល័យបៀលប្រាយ ត្រូវមានកាតនិស្សិត។
និស្សិតមកពីខាងក្រៅ ត្រូវចុះឈ្មោះធ្វើកាត សមាជិកនៅបណ្ណាល័យ ដើម្បីមានសិទ្ធចូល។
៩. លក្ខខណ្ឌនៃការខ្ចីសៀវភៅពីបណ្ណាល័យ
ត្រូវមានកាតបណ្ណាល័យដែលនៅមាន សុពលភាព។
បានចុះឈ្មោះក្នុងបញ្ជីខ្ចីសៀវភៅនៃប្រព័ន្ធ PMB ។
បានសងសៀវភៅដែលខ្ចីពីមុនរួចរាល់អស់ ។
អាចខ្ចីសៀវភៅបានច្រើនបំផុតចំនួន ០២ ក្បាល។
ការខ្ចីមានរយៈពេលកំណត់ ចំនួន ០១ សប្តាហ៍។
ការខ្ចីសៀវភៅត្រូវកក់ប្រាក់ ទៅតាមតម្លៃនៃសៀវភៅពី ២០,០០០៛ ដល់ ៦០,០០០៛ និងមានចេញវិក័យបត្រជូនទៅឲ្យអ្នកខ្ចី។
ពេលយកសៀវភៅមកសងវិញតាមកាលកំណត់ ប្រាក់ដែលបានកក់នឹងត្រូវប្រគល់ជូនវិញគ្រប់ចំនួន។
ក្នុងករណីខ្ចីសៀវភៅផុតកំណត់នៃថ្ងៃសង ត្រូវពិន័យជាទឹកប្រាក់មួយថ្ងៃ ៥០០៛ សម្រាប់សៀវភៅមួយ ក្បាល។
ក្នុងករណីបាត់វិក័យបត្រ ត្រូវពិន័យជាទឹកប្រាក់ចំនួន ២០,០០០៛។
ក្នុងករណីសៀវភៅដែលបានខ្ចីមានការខូចខាត ត្រូវសងទៅតាមទ្រង់ទ្រាយដែលខូច។